Ուղղահայաց դիրքով ժայռերի վրա քայլելն այլևս միայն Սարդ Մարդու մենաշնորհը չէ: Դու ևս կարող ես ունենալ անհնարին թվացող այս փորձառությունը, եթե իհարկե բավականաչափ համարձակ ես ու խիզախ: Վիա Ֆերրատան քեզ տալիս է այդ հնարավորությունը:

Այն հատուկ պատրաստված մագլցվող ճանապարհ է, որի միջոցով քայլում եք ժայռից ամրացված մետաղական հենարանների վրայով և հայտնվում հսկայական ժայռի կենտրոնում, որտեղից բացվում է հիանալի տեսարան: Ժայռի բարձրությունը 70 մ է։ Հատուկ պատրաստված ուղու լայնքով անցնում է պողպատե ճոպան, որն ամրացված է ժայռին յուրաքանչյուր 5-6 մետրը մեկ, իսկ ամրագոտիների միջոցով Ձեզ կապում եք ճոպանին՝ այդպիսով մշտապես ապահովագրելով ամբողջ երթուղին։

Ե՛վ խելահեղ է և՛ ապահով: Իսկ ինչու՞ չփորձել:

Միասնական տոմսը տալիս է հնարավորություն մեկ օրվա ընթացքում օգտվելու տարածքում գործող բոլոր ծառայություններից մեկ անգամ՝ Թռիչք զիփլայնով, Արկածների այգի, Փեյնթբոլ, Ձիարշավ բնության գրկում, Ժայռամագլցում, Off-road տուր:

ՈՒՇԱԴՐՈՒԹՅՈՒՆ։
Կորոնավիրուսի սահմանափակումների պատճառով այգում ժամանակավորապես չեն գործում Փեյնթբոլ, Զորբինգ ծառայությունները։